Ernest Muçi: "Hakmarrja" e tij ndaj Beshiktashit, pas fitores së Trabzonsporit

Ernest Muçi vazhdon të konfirmojë formën e tij të shkëlqyer në kampionatin turk, duke shënuar një aksion spektakolar në fitoren 2-0 të Trabzonsporit kundër Beshiktashit. Sulmuesi i Kombëtares shqiptare ishte protagonist në ndeshjen, duke dhënë një kontribut të rëndësishëm në fitoren e skuadrës së tij.

Momenti vendimtar erdhi në minutën e 21-të, kur Muçi dhuroi një aksion spektakolar. Pas një driblimi të jashtëzakonshëm, futbollisti shqiptar provoi të dërgonte topin në rrjetë, por u ndal nga ndërhyrja e portierit kundërshtar. Megjithatë, Tufan ishte në vendin e duhur dhe përfitoi nga rasti për të shënuar golin e avantazhit për Trabzonsporin.

Në pjesën e dytë, vendasit gjetën edhe golin e dytë me Salah, duke vulosur një fitore të rëndësishme në garën për pozitat e larta të renditjes. Ky sukses merr një vlerë të veçantë për Trabzonsporin, që falë tri pikëve të fituara pikërisht Beshiktashin dhe ngjitet në vendin e katërt të kampionatit turk. Skuadra ku aktivizohet Ernest Muçi mbetet tashmë vetëm tri pikë larg Gallatasarajt kryesues, duke mbajtur të hapur garën në majën e tabelës.