BE-ja mbron buxhetin për “Evropën Globale”

Komisioni Evropian ka mbrojtur propozimin për një buxhet ambicioz për programin “Evropa Globale”, duke e cilësuar atë thelbësor për mbështetjen e vendeve kandidate për anëtarësim, forcimin e partneritetve dhe promovimin e interesave të Bashkimit Evropian.

Çështja e buxhetit u diskutua edhe në samitin e fundit të liderëve të BE-së, ku propozimi irlandez nuk arriti të sigurojë mbështetjen e shumicës së udhëheqësve evropianë. Ndërkohë, presidenti i Këshillit Evropian, António Costa, pritet të paraqesë një propozim të ri kompromisi përpara samitit të posaçëm të 26 nëntorit.

Letra e Komisionit Evropian shihet si një përpjekje për të ndikuar në hartimin e këtij kompromisi, në një kohë kur buxheti i ardhshëm i BE-së dhe financimi i politikave të jashtme, përfshirë mbështetjen për vendet që synojnë anëtarësimin në Union, mbeten çështje të rëndësishme për institucionet evropiane.