Pedagogët dhe studentët shqiptarë përballen me vështirësi ekonomike dhe represion

Pedagogët dhe studentët shqiptarë po përballen me vështirësi ekonomike dhe represion. Ata kritikojnë paralajmërimin e kryeministrit Edi Rama për heqjen e bursave për studentët që përfshihen në akte dhune në protesta.

"Jam pedagoge në Universitetin e Tiranës. Nuk kemi vendosur sot, kemi qenë që në ditën e pare me ta. Sindikata ka dhënë deklarata që më 15 tetor. Kërkesat e tyre janë kërkesat e të gjithëve ne. Kushtet e studentëve shqiptarë nuk krahasohen me kushtet e kolegëve të tyre nëpër botë. Me 100 euro duhet të jetojë një student. Ai del dhe thotë: 'Do t'u heq edhe bursat'. Me çfarë të drejte? Kush është ai?" tha një pedagoge e Universitetit të Tiranës.

Problemet që kanë studentët janë probleme ekzistenciale të çdo familjeje shqiptare. Nuk e përballonë jetën në Tiranë e në rrethet. Taksat janë shumë të larta, nuk kanë infrastrukturën e duhur shkollore. Janë të detyruar ose të marrin rrugët e botës, ose të dalin në rrugë. Intelektualët s'duhet të lëmë të dalin në rrugë, por duhet të vlerësojmë me atë çfarë u takon", citoi ajo gjatë fjalimit të saj.

Një tjetër pedagog, nga një universitet katolik në kryeqytet, akuzoi policinë për përdorim të dhunës ndaj studentëve gjatë protestave, duke pretenduar se janë goditur edhe grupet e ndihmës se shpejtë.

"Jam pedagog pranë një universiteti katolik në Tiranë. Dikur studentët merrnin në dorë fatin e tyre. Në të gjitha këto ditë që kemi parë dhunë represive, i kemi parë ata të përrendiqen në stilin e Gestapos në rrugicat e Tiranës. Për shkak të një pjesë të dhunshme të protestave, janë tmerruar studentët.

Studentët e mi kanë qenë pranë grupet e ndihmës se shpejtë. Janë sulmuar me molotov, ujë, gaz dhe plumba gome. Edhe në luftë nuk goditet ndihma e parë, ndonëse kanë ndihmuar edhe policinë. Ata kanë marrë frikë nga represioni që iu është komunikuar dje nga kryeministri. Nuk di me çfarë baze ligjore thotë se kush ka marrë pjesë në protestë do të dënohet. Ky është represion, kjo është tentativa e dëshpërimit e shtypjes së problemave. Nuk ka diskutim me dhunuesit", pohoi ai.