Dialogu i Edi Ramës dhe zgjidhja e krizës

Gjithsesi, në fushën politike në vend ka mjaft aktorë, të cilët mund të prodhojnë instrumentet, idetë dhe dokumentet për zgjidhjen e krizës të madhe që dogji Tiranën. Qoftë opozita, por edhe aktorët dhe faktorët tjerë politikë, mediatikë dhe intelektualë mund të aktivizohen intensivisht për të prodhuar paketat e propozimit të daljes nga kriza me mjete politike. Është e qartë se në hapësirën tonë politike besimi i ndërmjetësimit është inekzistent, e si pasojë e saj urat komunikuese janë shumë të brishta. Mungesa e këtyre urave nuk do të thotë se mungojnë aktorët që mund të hyjnë në lojën për të ngjizur dhe shtyrë një proces politik për zgjidhjen e krizës. Bëhet fjalë për aleatët e Perëndimit si SHBA dhe BE, të cilët mund të thirren menjëherë nga opozita si një mundësi negociation dhe krijimin e sigurt për një proces politik të zgjidhjes së krizave.