Policia e Durrësit kap 36-vjeçarin e kërkuar për prodhim dhe shitje të narkotikëve

Një 36-vjeçar i dënuar me 3 vjet e 4 muaj burg për prodhim dhe shitje të narkotikëve është arrestuar në Durrës. Shtetasi me inicialet J. K., banues në Kavajë, ishte shpallur në kërkim nga policia, ndërsa u lokalizua dhe u vu në pranga pas sigurimit të informacioneve për vendndodhjen e tij. Ai ishte dënuar nga Gjykata e Shkallës së Parë e Juridiksionit të Përgjithshëm Durrës. Specialistët e Seksionit për Hetimin e Narkotikëve të DVP Durrës, si rezultat i veprimeve të shpejta policore të kryera pas sigurimit të informacioneve për vendndodhjen e një shtetasi në kërkim, bënë të mundur lokalizimin, kapjen dhe ndalimin e shtetasit. Ky shtetas ishte shpallur në kërkim pasi Gjykata e Shkallës së Parë e Juridiksionit të Përgjithshëm Durrës e ka dënuar me 3 vjet e 4 muaj burgim, për veprën penale “Prodhimi dhe shitja e narkotikëve”. Materialet procedurale i kaluan Prokurorisë, për veprime të mëtejshme.