"Emigrante shqiptare vjen nga Greqia për protestën e studentëve në Tiranë: "Mallkuar qofshin të gjithë politikanët që vënë në rrezik rininë studentore“

Një emigrante shqiptare e cila jeton në Greqi i është bashkuar protestës së studentëve, pedagogëve dhe qytetarëve të mbledhur para Kryeministrisë, duke shprehur shqetësimin për situatën dhe përplasjet gjatë protestave. Ajo pohoi se kishte ardhur enkas nga Greqia për të qenë pjesë e protestës dhe për të shprehur shqetësimin e saj për situatën. Emigrantja u bëri thirrje përfaqësuesve politikë në Kuvend për të marrin masa, përpara se situata të përshkallëzohet më tej. "Mallkuar qofshin të gjithë politikanët që vënë në rrezik rininë studentore! A duan një 21 Janar? Çfarë janë këta? Si e lënë rininë kështu? Kam ardhur nga Greqia kastile për këtë ditë. Për atë studentin e lidhur me kangjellat kam ardhur. Ata në Parlament duhet të marrin masa, derisa nuk është vonë. Turp të kenë të gjithë!" u shpreh protestuesja.