Aktorja braziliane Lua Blanco vdes në moshën 39-vjeçare

Aktorja dhe këngëtareja braziliane Lua Blanco ka ndërruar jetën në moshën 39-vjeçare, pas një beteje të gjatë me kancerin. Lajmi për ndarjen e saj nga jeta u shpërndau në rrjetet sociale nga vëllai i saj, Daniel Blanco. "Me pikëllim të madh ju njoftojmë për vdekjen e motrës sime të dashur Lua Maria Blanco. Ajo kishte luftuar me kancerin gjatë muajve të fundit dhe gjatë asaj periudhe ishte plotësisht e rrethuar nga dashuria e familjes dhe miqve të saj që kishin qenë me të gjithë jetën e saj", shkroi Daniel. Ngushëllime shprehën shumë kolegë të saj, ndër të cilët ishin Sophia Abrahao dhe Arthur Aguiar, me të cilët luajti në serialin "Rebelde". Lua Blanco u bë e njohur në të gjithë Brazilin si Roberta Messi në versionin brazilian të telenovelës "Rebelde", dhe ajo ishte gjithashtu anëtare e grupit muzikor të krijuar nga ai projekt. Pas serialit "Rebelde", ajo vazhdoi karrierën e saj në televizion, duke luajtur në serialet "Pecado Mortal" dhe "A Forca do Querer".