OSBE/ODHIR: Forcat e rendit të shmangin përdorimin e paligjshëm të dhunës ndaj studentëve në Shqipëri
OSBE/ODHIR ka reaguar për protestat e studentëve në Shqipëri dhe ka thirrur të gjitha palët të ruajnë karakterin paqësor të protestave. Ajo ka deklaruar se janë shqetësuar nga raportimet për dhunën ndaj të rinjve në Tiranë dhe qytete të tjera të vendit.
TIRANA- OSBE/ODHIR ka reaguar lidhur me protestat e studentëve, të cilat po zhvillohen prej disa ditësh në Tiranë dhe qytete të tjera. Një reagim zyrtar, ODIHR u ka bërë thirrje të gjitha palëve të ruajnë karakterin paqësor të protestave. ODIHR shkruan se janë shqetësuar nga raportimet për dhunën ndaj të rinjve në Tiranë dhe qytete të tjera të vendit.
Ajo thotë se forcat e rendit duhet të shmangin përdorimin e paligjshëm ose joproporcional të forcës ndaj protestuesve. Kjo duke theksuar se çdo rast i përdorimit të paligjshëm të forcës duhet të hetohet menjëherë dhe në mënyrë të pavarur.
Jemi shqetësuar nga raportimet për dhunën gjatë protestave në Shqipëri. ODIHR u bën thirrje të gjitha palëve të ruajnë karakterin paqësor të protestave. Forcat e rendit duhet të shmangin përdorimin e paligjshëm ose joproporcional të forcës ndaj protestuesve dhe çdo rast i përdorimit të paligjshëm të forcës duhet të hetohet menjëherë dhe në mënyrë të pavarur.