OSBE/ODIHR: Të gjitha palët të ruajnë qetësinë gjatë protestave në Shqipëri

Zyra e OSBE-së për Institucionet Demokratike dhe të Drejtat e Njeriut (ODIHR) ka reaguar për protestat që po zhvillohen në Shqipëri, duke shprehur shqetësim për raportimet mbi dhunën dhe përplasjet mes protestuesve dhe forcave të policisë.

Përmes një deklarate publike, ODIHR u ka bërë thirrje të gjitha palëve të ruajnë qetësinë, ndërsa ka theksuar se forcat e rendit duhet të shmangin çdo përdorim të paligjshëm apo joproporcional të forcës ndaj qytetarëve që marrin pjesë në protesta.

Institucioni ndërkombëtar kërkon gjithashtu që çdo rast i dyshuar i përdorimit të paligjshëm të forcës të hetohet pa vonesë dhe në mënyrë të pavarur.

“Të shqetësuar nga raportimet për dhunën gjatë protestave në Shqipëri, ODIHR u bën thirrje të gjitha palëve të ruajnë paqen. Forcat e rendit duhet të shmangin përdorimin e paligjshëm ose joproporcional të forcës ndaj protestuesve dhe çdo rast i përdorimit të paligjshëm të forcës duhet të hetohet pa vonesë dhe në mënyrë të pavarur”, thuhet në deklaratën e ODIHR-it.

Ky reagim vjen tek protestat kundër qeverisë dhe korrupsionit që vijnë në Tiranë, të shoqëruara me përplasje mes protestuesve dhe policisë, përdorim të ujit dhe gazit lotsjellës, dëmtime të pronës publike e private dhe arrestime.