Kim Jong Un: Zërat për vdekjen e udhëheqësit të Koreas së Veriut
Zërat për vdekjen e Kim Jong Un janë qarkulluar në rrjetet sociale dhe mediat, por nuk ka konfirmim zyrtar.
Pretendimet për vdekjen e Kim Jong Un janë qarkulluar në rrjetet sociale dhe mediat, por nuk ka konfirmim zyrtar. Sipas gazetës britanike The Sun, Kim Jong Un dyshohej se ishte shtruar në spitalin Peking Union Medical College në Pekin. Megjithatë, raportimet nuk përmbanin dokumente mjekësore, deshmi të verifikueshme apo konfirmime nga autoritetet e Phenianit dhe Pekinit.
Ndërkohë, mediat shtetërore të Koreas së Veriut kanë publikuar fotografi që tregojnë Kim Jong Un gjatë një vizite në një panair në Phenian, ku ai shfaqet duke inspektuar produktet dhe duke u dhënë udhëzime zyrtarëve. Kjo publikim i fotografive bie ndesh me pretendimet për vdekjen e Kim Jong Un, megjithëse pamjet nuk ofrojnë informacion të hollësishëm mbi gjendjen e tij shëndetësore.
Mungesa e transparencës së autoriteteve koreano-veriore për gjendjen shëndetësore të udhëheqësit e vështirëson verifikimin e informacioneve që qarkullojnë jashtë vendit. Kjo nuk është hera e parë që mungesa e Kim Jong Un në aktivitetet publike ka nxitur raportime të pakonfirmuara mbi shëndetin e tij. Në vitin 2020, pas një periudhe të gjatë pa dalje publike, disa media dhe burime të tjera pretenduan se udhëheqësi koreano-verior ndodhej në koma dhe se pushtetin mund ta merrte motra e tij, Kim Yo Jong.