Dua Lipa shkëlqen në Metropolitan Opera

Këngëtarja shqiptare me famë ndërkombëtare, Dua Lipa, e shoqëruar nga bashkëshorti i saj, Callum Turner, ka marrë pjesë në një mbrëmje të veçantë në New York, ku u prezantua vepra "Lincoln in the Bardo" në skenën e Metropolitan Opera. Artistja ka ndarë në rrjetet sociale disa momente nga kjo mbrëmje, duke tërhequr vëmendjen me stilin e saj elegant dhe paraqitjen mbresëlënëse.

Dua Lipa u shfaq me një fustan të zi mjaft tërheqës, të zbukuruar me detaje vezulluese. Fustani bie në sy për materialin me temina të zeza, prerjen asimetrike dhe të çaren që i jep veshjes një pamje sensuale dhe moderne. Ajo e kompletoi paraqitjen me këpucë të zeza me takë.

Përveç karrierës muzikore, Dua Lipa po vijon të jetë e angazhuar edhe përmes platformës së saj kulturore, Service95. Këtë herë, platforma po realizon një dokumentar të shkurtër që zbulon prapaskenat e përshtatjes së romanit "Lincoln in the Bardo" për një nga skenat më prestigjioze të artit në botë. Në kuadër të këtij projekti, shkrimtari George Saunders ka dhënë një intervistë ekskluzive për Service95, e cila është realizuar në ambientet e Bibliotekës Publike të New Yorkut.