Champions League/ Dortmund fiton me vështirësi përballë debutuesve, Fenerbahçe shpërdoron avantazhin ndaj Slavia Pragës

Dy ndeshjet e para të mbrëmjes në Champions League kanë dhuruar gola dhe emocione. Borussia Dortmund ka triumfuar 2-1 në transfertë ndaj Sabahut, ndërsa Fenerbahçe dhe Slavia Praga janë ndarë në barazim 2-2, pas një goli të vonë të çekëve.

Fenerbahçe ka shpërdoruar fitoren në minutat e fundit, duke u ndalur në barazim 2-2 përballë Slavia Pragës. Oguz Aydin kaloi turqit në avantazh që në minutën e katërt, ndërsa Mason Greenwood shënoi golin e dytë për vendasit. Për çekët realizoi fillimisht Lukas Provod, përpara se Pavel Kacor të vendoste baraspeshën në minutën e 89-të. Kështu, Fenerbahçe humbet mundësinë për të marrë fitoren, ndërsa Slavia Praga largohet me një pikë nga transferta në Stamboll.

Borussia Dortmund ka marrë tri pikët në transfertë, duke mposhtur Sabahun me rezultatin 2-1. Protagonisti absolut ishte Serhou Guirassy, i cili realizoi të dy golat e skuadrës gjermane, në minutat 10 dhe 53. Skuadra nga Azerbajxhani reagoi në minutën e 39-të, kur Aden McCarthy barazoi përkohësisht shifrat në 1-1. Megjithatë, goli i dytë i Guirassy-t në pjesën e dytë i siguroi Dortmundit një fitore të rëndësishme në transfertë.