Pedagogu i Luarasit: Sot studentët po na japin mësimin më të mirë, mllef për padrejtësitë në vend

Pedagogu i Universitetit Luarasi, Ilir Kaso, i ftuar në emisionin Prime News24 tha se sot kemi të bëjmë me një pushtet dhunues. Ai theksoi se sot studentët po na japin mësimin më të mirë dhe se ka mllef në popullatë për padrejtësitë në vend. Kaso deklaroi se dialogu që kërkon kryeministri duhet të ishte ndërtuar disa vite më parë dhe se ne e kemi të qartë sesa probleme ka kjo qeveri, në transparencën që mungon, në mënyrën sesi zhvillohen politikat, por ne kemi parë vetëm dhuna. Ai shtoi se pedagogët duhet që të bashkohen me studentët sot në këtë protestë dhe se gjithçka është fasadë, fillon nga propaganda që po bëhet, nga mënyra e jetesës, prandaj ka arritur ky inat e mllef sidomos ndaj qeverisjes.