Flick: "Titujt nuk fitohen në tetor, Championsi vendoset në qershor"

Trajneri i Barcelonës, Hansi Flick, pranoi se PSG-ja ishte më e mirë në ndeshjen e Champions League, por se skuadra e tij mund të ketë shenuar më shumë. Flick tha se skuadra e tij nuk ishte e freskët dhe se lodhja e akumuluar gjatë javëve të fundit ishte një nga faktorët që ndikoi në paraqitjen e skuadrës.

"PSG-ja ishte më e mirë se ne. Bëmë gabime dhe humbëm posedimin e topit, gjëra që duhet të analizojmë. Megjithatë, ishte një ndeshje fantastike nga të dyja skuadrat dhe mësuam shumë prej saj", tha Flick.

Flick vlerësoi Xavi Espart, i cili zhvilloi një paraqitje të spikatur në krahun e djathtë të mbrojtjes dhe shënoi golin që i dha përkoheqsisht barazimin skuadrës katalanase.

"Xavi Espart po luan në një nivel të jashtëzakonshëm. Ai kishte befasuar që sezonin e kaluar, me pas luajti në Kampionatin Evropian U-19 dhe u bashkua drejtpërdrejt me ne. Që atëherë ka ruajtur një nivel të lartë. Nuk ishte e lehtë të mbrohej ndaj PSG-së, por ai zhvilloi një ndeshje të jashtëzakonshme", deklaroi trajneri.

Ndërkohë, shqetësimi kryesor lidhet me Dani Olmo, i cili u detyrua të largohej nga fusha për shkak të një dëmtimi. Flick pranoi se ende nuk ka një vlerësim përfundimtar për gjendjen e mesfushorit.

"Olmo është shumë i zhgënjyer. Nuk e dimë ende shkallën e dëmtimit, ndaj duhet të presim dhe të shohim", tha ai.

Flick shpjegoi gjithashtu vendimin për të aktivizuar Marc Bernal nga minuta e parë, duke lënë në stol Rodrin, i cili kishte grumbulluar shumë minuta në ndeshjet e fundit.

"Fola me të ketë mëngjes për të shpjeguar se Bernal do të luante. Jemi të vetëdijshëm për lodhjen e Rodrit dhe minutat që ka grumbulluar", sqaroi trajneri.