Pedagoga Olldashi kritikon Raman për monologun e tij dhe e mbështet studentët

Pedagoga Enkelejda Olldashi ka marre pjesë në një marshim të organizuar në solidaritet me studentët, duke theksuar se pedagogët duhet të kishin qenë në krah të tyre në ditën e parë të protestave. Ajo ka thënë se bashkimi i pedagogëve me të rinjtë është një mesazh mbështetjeje për kauzën e tyre dhe një mënyrë për t'u treguar se nuk janë vetëm në kërkesat që kanë ngritur.

Olldashi ka kritikuar mënyrën e komunikimit të kryeministrit Edi Rama, duke thënë se ai ka zgjedhur monologun në vend të dialogut. Ajo ka sugjeruar se ai mund të kthehet në Akademinë e Arteve, duke iu referuar ironikisht se ai ka qenë dikur protestues dhe ka qenë rrahur.

Ajo ka kujtuar se vetë Rama ka qenë dikur protestues dhe ka theksuar se revolta e të rinjve duhet të shërbejë jo vetëm për të shprehur pakënaqësitë, por edhe për të nxitur reflektim dhe ndërgjegjësim. "Kam përshtypjen se ju gazetarët keni qenë syri i të gjithë shqiptarëve dhe besoj se duhet të ju bëj unë pyetjen çfarë është duke ndodhur? Pedagogët duhet të ishin në shesh me studentët që ditën e parë të protestave. Por edhe thirrja që ne kemi bërë të bashkohemi do të thotë të bashkohemi si grup i vetëm për t'i treguar studentëve që jemi me ta, Dhe sot është për të treguar që ne jemi këtu me ju për ju. Kuptimi i fjalës dialog është i kundërta e fjalës monolog dhe nëse gjatë gjithë kohës ka pasur monolog do të thotë që nuk ka vend për dialog. Në fakt Rama ka bërë monolog dhe është one men show dhe e bën shumë mirë atë rol dhe e ka perfektuar. Dhe besoj se në ndonjë moment të jetës do i kthehet akademisë së Arteve. Kryeministri i sotëm dua ti kujtoj se është kryeministri që ka protestues dhe është rrahur. Vetë ka qenë protestues. Unë nuk jam pjesë e oborrit perandorak të tij, por rnia përveç këtij manifestimi apo revolte të arrijë të nxjerrë ndërgjegjen në pah, ai duhet të jetë falenderues", tha ajo.

Media që s’e dorëzon pavarësinë e saj, i paraprine një qeverisje te ndershme. Pamfleti është një platformë mediatike analitike që u “lind” si domosdoshmëri e një tribune pa kompromis, si një zë i fuqishëm në luftën pa ekuivok ndaj krimit dhe korrupsionit politik në Shqipëri.