Sejko: Depozitat bankare janë të sigurta, sistemi financiar vijon normalisht pavarësisht tensioneve

Guvernatori i Bankës se Shqipërisë, Gent Sejko, ka deklaruar se depozitat bankare janë të sigurta dhe sistemi financiar vijon normalisht pavarësisht tensioneve të ditëve të fundit. Ai ka theksuar se bankat janë të mirëkapitalizuara dhe kanë një likuiditet shumë të mirë, duke garantuar që sistemi bankar të funksionojë normalisht.

Sejko ka deklaruar se sistemi bankar dhe financiar në vend ka vijuar të funksionojë normalisht, ndërsa bankat kanë nivele të mira kapitalizimi dhe likuiditeti. Ai ka përmendur se Banka e Shqipërisë ka mbajtur në funksion të gjitha sistemet e saj operacionale, duke i kushtuar vëmendje të veçantë sistemit të pagesave dhe qarkullimit të parasë fizike, për të garantuar vijimësinë e shërbimeve për qytetarët dhe bizneset.

Sejko ka theksuar se funksionimi i pandërprerë i sistemit bankar është thelbësor për ekonominë, pasi përmes tij realizohen pagesat, mbështetet aktiviteti i bizneseve dhe sigurohet qarkullimi i parasë. Ai ka paralajmëruar se çdo cenim i këtij sistemi do të sillte pasoja të drejtpërdrejta për qytetarët dhe bizneset, duke vështirësuar edhe aktivitetet e përditshme ekonomike.

Sejko ka përfunduar duke theksuar se sistemi bankar është në funksion të qytetarëve dhe bizneseve dhe se cenimi i sistemit bankar dhe i sistemit financiar i dëmton drejtpërdrejt bizneset dhe qytetarët, si dhe krijon problematika që kanë të bëjnë me jetën e gjithkujt.