Rama do të merr pjesë në seancën plenare të Procesit të Berlinit në Mal të Zi
Kryeministri Edi Rama do të merr pjesë në seancën plenare të Procesit të Berlinit në Mal të Zi, pas anulimit të seancës plenare në Kuvend për shkak të protestave të studentëve. Procesi i Berlinit synon rritjen e bashkëpunimit rajonal dhe integrimin ekonomik në Bashkimin Evropian.
Kryeministri Edi Rama do të merr pjesë në seancën plenare të Procesit të Berlinit në Mal të Zi më 22 tetor. Pjesëmarrja e tij u konfirmua nga burime qeveritare. Seanca plenare do të mbahet në Budva, nën mikpritjen e Kryeministrit Milojko Spajić.
Procesi i Berlinit është një iniciativë që synon rritjen e bashkëpunimit rajonal në Ballkanin Perëndimor dhe dhënien e ndihmës për integrimin e vendeve të rajonit në Bashkimin Evropian. Ai filloi në gusht 2014 dhe është një platformë për forcimin e besimit, përmirësimin e ndërlidhjes dhe avancimin e një perspektive të përbashkët evropiane.
Pjesëmarrja e të gjithë liderëve rajonalë konfirmon rëndësinë e Procesit të Berlinit si një platformë për avancimin e nismave të përbashkëta, së bashku me partnerët evropianë. Mali i Zi synon të nxisë dialogun dhe bashkëpunimin, të përqendruar në arritjen e rezultateve konkrete për qytetarët dhe ekonomitë e rajonit.