Banderola me sharrë elektrike zemëron Barcelonën, bën ankesë në UEFA

Tifozët e Paris Saint-Germain-ës shpikën një banderolë me një sharrë elektrike që shkatërronte logon e Barcelonës, duke zemëruar klubit spanjoll. Banderola e madhe e tifozëve e përshkruante një burrë të maskuar me fanellë të PSG-së që shkatërronte logon e Barcelonës me një sharrë elektrike, duke përfshirë fjalën "Masakër, në stilin parizien".

Imazhi i banderolës ishte frymëzuar nga personazhi "Leatherface" nga seriali Texas Chainsaw Massacre, një person mizor dhe i çmendur që vret viktimat e tij të papritura me një sharrë elektrike dhe krijon maska fytyre nga lëkura e tyre.

Fishekzjarrët dilnin gjithashtu përmes banderolës për të simuluar shkëndijat që vinin nga sharra elektrike. Burime brenda klubit të Barcelonës ishin tejet të pakënaqura me koreografinë e tifozëve, duke e përshkruar atë si "tepër agresive dhe fyese".

Barcelona pritet të paraqesë një ankesë zyrtare në UEFA në lidhje me tifonë e shpalosur nga tifozët e Paris Saint-Germain-ës.