Hallouini: Nga kostumet e frikshme te rrengjet qe shqetesonin fqinjet

Në vitin 1926, Hallouini festohej në një mënyrë shumë të ndryshme nga ajo që njohim sot. Kostumet e frikshme, dekorimet dhe lojërat ishin pjesë e traditës. Festa shoqërohej edhe me rrengje që shpesh i kthenin rrugët e lagjeve amerikane në skenë kaos.

Ndërsa sot, fëmijët trokasin në dyert e shtëpive për të kërkuar ëmbëlsira dhe të rriturit organizojnë festa me kostume nga më të ndryshmet, njëqind vjet më parë tradita kishte karakter më të thjeshtë, por edhe më shumë prapësi. Në disa qytete, sjellja e fëmijëve dhe adoleshentëve shkaktonin aq shumë probleme, sa autoritetet lokale shqyrtonin mundësinë e anulimit të aktivitetetve të festës.

Dekorimet dhe lojërat e preferuara të vitit 1926 ishin një pjesë e rëndësishme e festës. Tradita e zbukurimit të shtëpive me motive të Hallouinit kishte nisur të merrte formë në fillim të viteve 1920. Kompania Beistle kishte prezantuar një koleksion dekorimesh që përfshinte mace, skelete dhe shtriga prej letrë, duke sjellë atmosferën karakteristike të festës në shtëpitë amerikane.

Edhe argumenti ishte pjesë e rëndësishme e mbrëmjes. Të ftuarit kërcentein dhe dëgjonin muzikë, ndërsa mes këngëve të kohës përmenden "Undertaker's Blues", "Heebie Jeebies" nga Louis Armstrong dhe "The Nightmare" nga The New Orleans Owls.

Në festa organizoheshin edhe lojëra që sot mund të dukeshin të pazakonta. Një prej tyre ishte kapja e mollëve me gojë nga një legen me ujë, ndërsa një tjetër përfshinte hedhjen e unazave mbi kunguj.

Këto aktivitete kishin edhe një anë romantike. Sipas një besimi të përhapur në atë kohë, nëse një burrë kapte një mollë të shënuar me emrin e një gruaje, kjo mund të nënkuptonte se ata ishin të destinuar të bëheshin çifte.

Kur rrengjet e Hallouinit dilnin jashtë kontrollit

Në vitet 1920, festa nuk kufizohej vetëm te maskat dhe lojërat. Rrengjet ishin një pjesë aq e rëndësishme e saj, sa në shumë raste kalonin kufijtë e shakasë së padëmshme.

Fëmijët dhe adoleshentët dilnin nëpër lagje të maskuar, vidhnin sende, hidhnin miell drejt njerëzve dhe vendosnin objekte të pazakonta mbi çatitë e shtëpive të fqinjëve. Këto veprime shkaktonin shqetësimet e shumta dhe, në disa zona, vandalizmi u bë aq problematik sa autoritetet menduan të anulonin festimet.

Edhe pse në Shtetet e Bashkuara ishte në fuqi Prohibicioni, që ndalonte prodhimin dhe shitjen e ligjshme të alkoolit, kjo nuk i pengonte njerëzit të organizojnë festa dhe të merrnin pjesë në parada.

Si lindi tradita "karamele ose rreng"?

Shprehja "karamele ose rreng" lidhet me një traditë që mori formë rreth një shekull më parë. Fëmijët shkonin të maskuar në dyert e shtëpive dhe, për të marrë një dhuratë, mund të këndonin, të recitonin një poezi, të tregonin një shakë ose të bënë një rreng.

Pra, ndryshe nga praktika e sotme, ku fëmijët zakonisht presin të marrin ëmbëlsira, ata duhej të argumentonin të zotët e shtëpisë për të fituar shpërblimin.

Kostumet përgatiteshin në shtëpi

Një tjetër ndryshim i madh lidhet me veshjet. Sot, kostumet e Hallouinit frymëzojnë shpesh nga personazhet e filmave, serialeve, videolojërave dhe yjet e muzikës. Para 100 vitesh, zgjedhjet ishin më tradicionale dhe kostumet përgatiteshin kryesisht në shtëpi.

Gratë qepnin veshje për fëmijët e tyre, ndërsa shtrigat, klounët, kungujt dhe maskat prej letrë ishin ndër zgjedhjet e zakonshme. Ideja ishte të krijohej një pamje e frikshme me materialet që familjet kishin në dispozicion, pa pasur nevojë për kostumet e gatshme që gjenden sot në dyqane.

Një shekull më vonë, Hallouini ka evoluar ndjeshëm, por dekorimet, maskat, lojërat dhe dëshira për t'u argumentuar vazhdojnë të mbeten në qendër të kësaj feste. Ajo që ka ndryshuar më shumë është mënyra se si njerëzit e festojnë, ndërsa tradita ruan ende lidhjen me misterin, fantazinë dhe frikën.