Macron kritikon liderët e huaj për deklaratat e tyre për protestat në Francë

Presidenti francez, Emmanuel Macron, ka reaguar ashpër ndaj deklaratave të liderëve të huaj për protestat dhe trazirat në Francë, duke i cilësuar ato si "të papranueshme dhe idiote". Macron i akuzoi ata se po përhapin informacione të rreme dhe po përpiqen të përfitojnë politikisht nga situata në vendin e tyre.

Gjatë një deklarate për gazetarët në Doha të Katari, Macron shprehur irritimin për atë që e cilësoi si manipulim të hapur të informacionit mbi zhvillimet në Francë, duke kritikuar jo vetëm komentuesit e huaj, por edhe drejtuesit politikë që, sipas tij, përserisnin pretendime të pavërtetuara.

"Pamime të krijuara nga inteligjenca artificiale, që paraqisnin skena që nuk kishin ndodhur kurrë në Francë. Disa madje pretenduan se vendi ishte pushtuar nga turma emigrantësh dhe islamistësh, gjë që është plotësisht e pavërtetuar", deklaroi Macron.

Presidenti francez nuk i përmendi të gjithë liderët me emër në deklaratën e tij, por kritikat e tij vijën pas komenteve të presidentit amerikan Donald Trump, i cili ka lidhur trazirat në Francë me emigracionin dhe të majtën komuniste. Edhe disa politikanë të tjerë evropianë kanë bërë deklarata që i lidhin protestat me çështjen e emigracionit.

Macron tha se e shqetësohet veçanërisht fakti që drejtuesit politikë, si brenda rajonit, ashtu edhe përtej Atlantikut, përserisin pa verifikim pretendime të prodhuara nga inteligjenca artificiale ose përhapin narrativa të caktuara për interesat e tyre politike.

"Është e qartë se ata po bëjnë fushatë politike në kurrizin tonë", u shpreh presidenti francez.

Ai shtoi se këto deklarata tregojnë, sipas tij, se cilët liderë e duan vlerën Francës dhe cilët jo.

Macron paralajmëron masa pas kthimit në Francë

Presidenti francez bëri të ditur se, pas kthimit në vend të enjten, do të zhvillojë një takim me ministrat dhe zyrtarët e shërbimeve të inteligjencës për të marrë një raport të detajuar mbi ngjarjet e fundit.

Takimi do të përqendrohet gjithashtu te përgatitjet për protestat e planifikuara gjatë fundjavës.

Deklaratat e Macron vijnë në një klimë të tensioneve politike, ku trazirat në Francë janë kthyer edhe në objekt debati ndërkombëtar. Përtej situatës së brendshme, përplasja ka marrë edhe dimension diplomatik, pasi presidenti francez kundërshton përpjekjet e liderëve të huaj për t'i interpretuar protestat përmes çështjeve të emigracionit dhe ideologjisë politike.

Në thelb, Macron kërkon që zhvillimet në Francë të mos perdoren si instrument për fushatë politike jashtë vendit dhe që pretendimet mbi protestat të mbështeten në fakte, jo në imazhe të manipuluar apo informacione të pavërtetuara.