Çmime të ndryshme për shporta ushqimore në supermarkete
Çmime të ndryshme për shporta ushqimore në supermarkete
Çmime të shportës ushqimore vijojnë të ndryshojnë nga një supermarket në tjetrin, pavarësisht kërkesës së qeverisë për mbajtjen e çmimeve të ulëta për një periudhë 3-mujore.
Një krahasim i realizuar nga aplikacioni "Krahaso" tregon se një shportë me 11 produkte baze kushton 1,720 lekë në SPAR, 1,752 lekë në Xhangolli dhe 1,853 lekë në Conad. Diferenca mes shportës me të lirë dhe asaj me të shtrenjtë arrin në 133 lekë apo 7.2%.
Shporta përfshin produkte të konsumit të përditëshëm, si qumësht, vezë, miell, sheqer, vaj lulediell, makarona, kos dhe gjalpë. Në krahasim janë përfshirë të njëjtat marka produkteve, të njëjtas sasi për produktet e bulmetit krahasimi është bërë për të njëjtas përbajtje, sipas sasisë të përqindjes së yndyrës.
Konkretisht, gjalpi i markës "Lurpak", në paketimin 200 gramë, kushton 285 lekë në supermarketin "Xhangolli" dhe 335 lekë në "Conad", me një diferencë prej 50 lekësh. Ndërsa makaronat Barilla nr. 5, në paketimin 500 gramë, kushtojnë 90 lekë në SPAR dhe 119 lekë në Conad. Një tjetër diferencë vërehet te qumështi Parmalat, 1 litër, i cili kushton 230 lekë në SPAR dhe 249 lekë në Conad.
Pavarësisht diferencave mes rrjetave tregtare, sipas të dhënave të publikuara nga "Krahaso", vlera totale e shportës ka mbetur e pandryshuar krahasuar me javën e mëparshme në të treja supermarketet. Po ashtu, asnjë nga 11 produktet e përfshira në krahasim nuk rezulton të ketë ndryshuar çmim gjatë kësaj periudhe.
Ndërkohë, Big Market dhe Extramarket raportojnë në Pasqyrën e Çmimeve çmime për një numër të kufizuar produkteve nga shporta e përzgjedhur. Te Big Market, sheqeri Ferra Classic kushton 75 lekë, ndërsa vaji i lulediellit Floriol 219 lekë. Te Extramarket, vezët Aiba, paketa me 10 copë, kushtojnë 180 lekë, ndërsa vaji i lulediellit Floriol 199 lekë.
"Krahaso" sqaron se çmimet e përdorura në këto krahasim janë ato që vetë rrjetet tregtare raportojnë në Pasqyrën e Çmimeve të Ministrisë së Ekonomisë dhe Inovacionit dhe nuk janë matje të kryera drejtpërdrejt në dyqane nga aplikacioni. Sipas metodologjisë së platformës, çmimet e rrjetit publikohen kur vlenë në të paktën 80% të dyqaneve të tij, ndërsa në pikën e vëçanta shitjeje mund të ketë ndryshime.
Publikimi i çmimeve të mallrave ushqimore në platformën qeveritare "Pasqyra e Çmimeve" nisi në mesin e muajit tetor. Në platformë janë pasqyruar çmime të 238 produkteve nga 5 rrjete supermarketesh: Big Market, Conad, Extramarket, Spar dhe Xhangolli, për një total prej 155 dyqanesh, nga të cilat 109 ndodhen në Tiranë.