Parlamenti holandez: Gjysma e deputetëve përdor fjalime të gjeneruara nga inteligjenca artificiale

Një hetim i realizuar nga gazeta De Groene Amsterdammer dhe platformi i gazetarisë së përqendruar në investigata Investico zbuloi se 68 nga 150 deputetët holandez kanë përdorur fjalime të gjeneruara nga inteligjenca artificiale në parlament. Hetimi përfshiu vetëm tekstet ku programi vlerësoi se përbajtja e gjeneruar nga inteligjenca artificiale përmbanë të pakten 50% të materialit.

Pothuajse gjysma e deputetëve holandezë kanë përdorur mjete të inteligjencës artificiale për të përgatitur fjalimet e tyre në parlament. Këto mjete përfshinin ChatGPT dhe Claude, të cilat janë përdorur për të përgatitur fjalimet e deputetëve për të shkurtuar tekstet dhe për të formuluar më qartë argumentet.

Përdorimi i inteligjencës artificiale në parlament nuk është i limituar vetëm te deputetët. Kryeministri holandez, Rob Jetten, është raportuar se përdor rregullisht inteligjencën artificiale për të hartuar postime në rrjetet sociale. Një hetim tjetër i transmetuesit publik holandez, NOS, zbuloi se afërsisht një e katërta e pyetjeve parlamentare me shkrim ishin përgatitur me ndihmën e inteligjencës artificiale.

Gjetjet tregojnë se mjetet e inteligjencës artificiale po përdoren edhe në përgatitjen e komunikimeve parlamentare, ndërsa rezultatet e programeve që identifikojnë përbajtjen e gjeneruar nga IA kërkojnë interpretim të kujdesshëm.