Gjykata e dënon serbin për krime lufte në Pejë

Gjykata Themelore në Prishtinë ka dënuar me 10 vjet burg Millorad Gjokoviçin për krime lufte në Ozdrim dhe në fshatrat përreth në rajonin e Pejës. Gjokoviç u arrestua në qershor të vitit 2022 dhe u akuzua për krime lufte në maj të vitit 1999, kur së bashku me pjesëtarë të tjerë të forcave policore dhe ushtarake serbe, rrethuan fshatin Ozdrim dhe fillimisht shtënë me armë në drejtim të popullsisë civile, duke vrarë 19 civilë shqiptarë. Prokuroria Speciale e Kosovës ngriti aktakuzën kundër Gjokoviçit në qershor të vitit 2023. Gjykata ka llogaritur kohën e kaluar në paraburgim për Gjokoviçin. Ky nuk është i pari që është dënuar për krime lufte në Kosovë, pasi që që nga përfundimi i luftës në Kosovë, dhjetëra persona janë dënuar për krime lufte nga institucionet vendore dhe ndërkombëtare të drejtësisë.