Gjykata vendos ekstradimin e turkes / U arrestua në gusht në Rinas, kërkohet në Turqi për aktivitet terrorist
Gjykata e Tiranës ka vendosur ekstradimin drejt Turqisë së Julide Yazici, një 32-vjeçare që u arrestua në gusht në Rinas dhe akuzohet për dhënie ndihme logjistike për një organizatë terroriste dhe pjesëmarrje në një organizatë terroriste.
Gjykata e Tiranës ka vendosur ekstradimin drejt Turqisë së Julide Yazici, një 32-vjeçare që u arrestua në gusht në Rinas dhe akuzohet për dhënie ndihme logjistike për një organizatë terroriste dhe pjesëmarrje në një organizatë terroriste. Ajo është dënuar me 4 vite e 2 muaj burg për këto vepra.
Yazici ka pretenduar se është viktimë e përndjekjes politike për shkak të qëndrimeve kundër presidentit turk, Recep Tayyip Erdogan. Ajo ishte shpallur në kërkim për përfshirjen e dyshuar në protesta në mbështetje të të drejtave të kurdëve, të zhvilluara disa vite më parë në Turqi.