Vlora Çitaku merr përkohësisht drejtimin e PDK-së pas dorëheqjes së Bedri Hamzës

Vlora Çitaku është e propozuara për të marrë përkohësisht drejtimin e Partisë Demokratike të Kosovës (PDK) pas dorëheqjes së Bedri Hamzës nga posti i kryetarit. Kjo është konfirmuar nga deputetja e PDK-së dhe anëtare e kryesisë së partisë, Blerta Deliu.

"Po, mund ta konfirmoj se zonja Çitaku është e propozuara si ushtruese e detyrës për kryetar të PDK-së", ka deklaruar Deliu.

Propozimi i Çitakut vjen pas vendimit të Bedri Hamzës për të u larguar nga drejtimi i partisë. Gjatë ditës, Hamza njoftoi në një konferencë për media dorëheqjen e tij të parevokueshme nga posti i kryetarit të PDK-së.

Megjithatë, ai sqaroi se vendimi nuk nënkupton largimin e tij nga partia, por vetëm nga pozita drejtuese që mbante deri tani.

Me këtë zhvillim, PDK-ja përballet me një ndryshim në drejtimin e saj, ndërsa Vlora Çitaku, e cila mban postin e sekretares së përgjithshme, është propozuar për të ushtruar përkohësisht detyrën e kryetarit.

Deri në këtë fazë, bëhet fjalë për një propozim dhe jo për një vendim përfundimtar për emërimit të saj. Nga informacionet e publikuara nuk bëhet e ditur se kur do të formalizohet vendimi për drejtimin e përkohshëm të partisë.