Rama: Nuk mbrojta Ballukun, por SPAK-ja e gjeti shkak për të thelluar hetimet
Kryeministri Edi Rama ka thënë se nuk e mbrojti ish-zëvendësen e tij Belinda Balluku nga Prokuroria e Specializuar për Krime të Organizuar (SPAK), kur prokuroria kërkoi arrestimin e saj. Ai tha se refuzimi i tij nuk pengoi SPAK-në të thellonte hetimet dhe të shtonte akuzat ndaj Ballukut.
Kryeministri Edi Rama përmes një video në rrjetet sociale është vendosur përballë akuzës se mbrojti ish-zëvendësen e tij Belinda Balluku nga SPAK, kur prokuroria kërkoi arrestimin e saj. Rama u justifikua duke thënë se nuk e bëri këtë gjë, duke përsëritur deklaratën se nuk mbron askënd nga drejtësia.
Sakaq, ai përmendi se ky veprim i dha mundësi SPAK që të thellonte hetimet ndaj Ballukut, duke arritur në zgjerimin e akuzave ndaj saj. Balluku do të duhet të përgjigjet para drejtësisë për 15 episode shkeljesh, që nisin nga shkelja në 9 tendera e deri te korrupsioni i pastrimi i parave.
Më 20 tetor, SPAK i ka komunikuar plot 5 akuzat përfundimtare ish-zv.kryeministres, teksa ka shtyrë edhe më tre muaj hetimet për shkak afatesh. Rama tha se refuzimi i tij nuk pengoi SPAK-në të thellonte hetimet dhe të shtonte akuzat ndaj Ballukut.