Egnatia kërkon pikë në Danimarkë, kampionët e Shqipërisë gati për sfidën e dytë në Conference League

Pas barazimit me Midtjylland në debutim, rrogozhinasit përballen të enjten me Aarhusin, në një tjetër provë të rëndësishme europiane. DANIMARKE - Egnatia vijon aventurën historike në fazën e ligës së UEFA Conference League. Këtë të enjte, më 22 tetor, kampionët e Shqipërisë do të luajnë ndeshjen e dytë në këtë kompeticion, ku do të përballen në transfertë me skuadrën daneze të Aarhusit. Takimi do të zhvillohet në stadiumin “Randers Stadion”, duke nisur nga ora 21:00. Siku që është shpallur, skuadra rrogozhinase do të synojë të marrë një rezultat pozitiv, për të vijuar me paraqitjet premtuese në arenën europiane. Egnatia e nisi fazën e ligës me një barazim 1-1 ndaj Midtjylland, në stadiumin “Air Albania”. Golin për skuadrën shqiptare e shënoin Ildi Gruda, në një përballje që i dha kampionëve një pikë në ndeshjen e tyre të parë në këtë fazë të kompeticionit. Tashmë, rrogozhinasit përballen me një tjetër sfidë të rëndësishme, me synimin për të konfirmuar konkurrueshmërinë e tyre në Evropë dhe për të vijuar rrugëtimin me një rezultat pozitiv.