Protestuesit në bulevard, thirrje e fuqishme për dorëheqjen e kryeministrit Rama

Qytetarët vazhdojnë të qëndrojnë në bulevard, duke kërkuar dorëheqjen e kryeministrit Edi Rama. Studentët, si dhe qytetarët e shumtë të pranishëm kanë thirrur në kor “Dorëheqje, dorëheqje”. Protestuesit janë duke bërë një marshim. Kjo është dita e nëntë e protestës së fuqishme të studentëve dhe qytetarëve të tjerë. Kërkesa kryesore është largimi i kryeministrit Rama, që e akuzojnë për keqqeverisje dhe se drejton një qeveri me skandale të shumta korrupsioni. Kryeministri ka ofruar dialog me studentët dhe qytetarët, mirëpo këta të fundit kanë deklaruar se nuk ka dialog me kreun e qeverisë, pasi dhe më herët nuk ka mbajtur premtime.