Revolta kundër Ramës, shiu në kryeqytet shpërndan protestuesit
Protesta e kësaj të mërkure nisi rreth orës 11:00, me marshimin e pedagogëve dhe studentëve drejt Ministrisë së Arsimit. Pas këtij marshimi, ata u rikthyen përpara Kryeministrisë, ku qëndruan për disa orë, ndërsa gjatë ditës iu bashkuan edhe qytetarë të tjerë.
Protestuesit përleshën me policinë në Tiranë, ndërsa shiu dhe përkërcesimi i kushteve atmosferike kanë detyruar protestuesit të shpërndahen, duke i dhënë fund protestës së sotme në kryeqytet.
Pas disa orësh qëndrimit në bulevardin “Dëshmorët e Kombit”, përpara godinës së Kryeministrisë, studentët dhe qytetarët nisën marshimin në rrugët e Tiranës, duke u grumbulluar fillimisht në sheshin “Skënderbej”.
Më pas, një pjesë e protestuesve vijuan marshimin në drejtim të Rrugas së Kavajës, por reshjet e shiut dhe moti i keq bënë që pjesëmarrësit të largoheshin gradualisht, duke sjellë përfundimin e tubimit.
Protesta e kësaj të mërkure nisi rreth orës 11:00, me marshimin e pedagogëve dhe studentëve drejt Ministrisë së Arsimit. Pas këtij marshimi, ata u rikthyen përpara Kryeministrisë, ku qëndruan për disa orë, ndërsa gjatë ditës iu bashkuan edhe qytetarë të tjerë.
Gjatë tubimit, protestuesit përsëritën thirrjet “Dorëheqje, dorëheqje”, duke kërkuar largimin e Kryeministrit Edi Rama, të cilit e akuzojnë për keqqeverisje dhe skandale korrupsioni.
Ndërkohë, gjatë pasdites u regjistruan edhe momente tensioni, kur disa të rinj hodhën gurë dhe bomba molotov në drejtim të pozicioneve të policisë. Forcat e rendit përdorën ujë në dy raste, por nuk ndërmorën një ndërhyrje të përgjithshme për shpërndarjen e turmës.
Pavarësisht përfundimit të protestës së sotme, tubimet pritet të vijojnë edhe ditën e enjte, kur pas një jave bllokimi është parashikuar rikthimi i seancës plenare në Kuvend.
Protestuesit kanë paralajmëruar një tjetër tubim në orën 09:00 të mëngjesit, në të njëjten ditë kur deputetët pritet të rikthehen në sallën e Parlamentit.
Kështu, dita e nëntë e protestave është mbyllur për shkak të kushteve atmosferike, ndërsa vëmendja zhvendoset te tubimi i paralajmëruar për të enjten dhe zhvillimet në Kuvend.
Media që s’e dorëzon pavarësinë e saj, i paraprinë një qeverisje te ndershme. Pamfleti është një platformë mediatike analitike që u “lind” si domosdoshmëri e një tribune pa kompromis, si një zë i fuqishëm në luftën pa ekuivok ndaj krimit dhe korrupsionit politik në Shqipëri.