Kulla: Rama duhet të marrë në dorë procesin politik për të zgjidhur krizën

Eksperti i sigurisë, Ilir Kulla, ka deklaruar se kryeministri Edi Rama duhet të marë në dorë procesin politik për të zgjidhur krizën e sotme. Ai ka paralajmëruar Rama për pasojat e një përskallëzimi të përdorimit të forcës për të zgjidhur krizën.

"Nëse ai i qëndron fjalës që tha ditën e enjte, 'kjo është luftë dhe do ta fitojmë', do shkojmë në luftë atëherë. Se kështu e tha ai", deklaroi Kulla.

Kulla ka deklaruar se ai shpreson që Rama të mos arrijë në një situatë të tillë dhe të mos ikë në një formë strehimi politik.

"Unë shpresoj që kryeministri të mos shkojë deri në atë pikë që të jetë i detyruar të ikë", tha Kulla.

Ai ka argumentuar se kriza aktuale mund të zgjidhet vetëm përmes mekanizmave politike dhe jo përmes përdorimit të forcës.

"Shpresoj që të mos e çojë pikën deri aty. Se po e ka çuar veten deri aty, do të thotë që aty e tutje pastaj nuk është më çështje dënim, është çështje tjetër pastaj. Kështu që unë shpresoj që ai të marrë në dorë procesin politik", u shpreh Kulla.

Kulla ka deklaruar se Rama duhet të veprojë me përgjegjësinë e një drejtues që kërkon të ruajë stabilitetin e vendit dhe jo të përskallëzojë konfliktin.

"Si babai i shtëpisë që është. Në qoftë se ai mendon që si babai i shtëpisë ka me mbajt' dhunë vetëm dru dhe s'duan bukë, prishet ajo shtëpi. Të rinjtë nuk kanë çfarë humbin, humb Shqipëria", tha Kulla.

Ai ka argumentuar se humbësi më i madh i një konflikti të zgjatur do të ishte vendi.

"E para e njëherë kush humb. Ata të rinjtë s'kanë çfarë humbin. Se që të themi kush e fiton duhet të themi kush e humb njëherë. Kur s'ke çfarë humb, vjen ajo shprehje siçiliane, 'më e errët se mesnata s'ka'. Ata mesnatë janë, çfarë t'i bësh atyre më shumë", u shpreh ai.

Kulla ka kundërshtuar edhe idenë se revolta e të rinjve mund të shuhet përmes ndërhyrjeve të forcave të rendit.

"Çfarë do i bëjë me forca? Çfarë do i bëjë me forca? S'ka, aty i ke në shesh, vazhdojnë. Se kështu hyjne ditën e pare me mendjen që do përdorim forca e këta do ikin. Në fakt, guerilja vazhdon, jemi në ditën e 10-të", deklaroi ai.

Ai ka përmendur edhe paralajmërimin për një protestë tjetër të madhe, duke argumentuar se masat shtrënguese mund të rrisin më tej pakënaqësinë.

"O do krijojë një kamp të madh përqendrimi dhe do i vendosë diku 10 mijë veta, 20 mijë veta, të tjerë nga këta të rinj", tha ai, duke përdorur një krahasim hipotetik për të kritikuar mundësinë e shtypjes së protestave përmes arrestimeve masive.