Jupi: "Nuk e pranoj që një polic të shkelë një 16-vjeçar"
Pedagoga Taulanta Jupi ka deklaruar se nuk e pranon që një policë të shkelë një 16-vjeçar gjatë një proteste, duke e cilësuar atë si një shkelje të të drejtave të njeriut.
Një debat i fortë është regjistruar mbrëmjen e kësaj të mërkurë mes të ftuarve në emisionin “Now” me Erla Mëhillin në Euronews Albania. Pedagogia Jupi dënoi ashpër përdorimin e forcës ndaj protestuesve të neutralizuar, duke e cilësuar atë si shkelje flagrante të të drejtave të njeriut.
Gazetarja Kostana Morava theksoi se situata në terren shpesh kalon në anarshi nga turma e protestuesve, ndërsa deputeti i Partisë Socialiste, Ardit Bido, theksoi se forca e një vendi i takon ligjërisht vetëm shtetit dhe se askush tjetër nuk ka të drejtë ta ushtrojë atë.
Jupi tha se ajo është çdo ditë prej 25 vitesh në kontakt me studentët, por se nuk e relativizoj se një policë e neutralizon një fëmijë, një 16-vjeçar, një 20-vjeçar dhe pastaj e shkel me këmbë me shkopa gome me shkelma. Kjo është një shkelje flagrante e të drejtës për të protestuar.
Morava tha se është një turmë që krijon një anarshi dhe se është e pamundur të neutralizojë një turmë njerëzisht të vegjëlish. Ajo theksoi se nuk është normale që fëmijët të kenë maska dhe të armatosur me armë të ftohta.
Bido tha se Taulanta i bie se kur ka zjarr në institucione dhe biznese, duhet të venë e të puthen ata që e bëjnë. Jupi tha se qoftë si pedagoge ajo është e ndjeshme kur shikoj që një fëmijë aty apo njëri i neutralizuar vijon me të drejtat e tij të shqyhet në shkelma nga policia e shtetit.
Bido tha se në debatin publik duhet ta themi me zë të plotë atë që është e padiskutueshme, që forcën në një vend nuk e ushtrojnë, nuk ka të drejtë ta ushtrojnë as protestuesit, as partitë politike, as individët. Ka të drejtë ta ushtrojë vetëm policia e shtetit brenda kufijve të ligjit. Kjo që sapo thashë është e padiskutueshme.