Medvedev tallet me Merz: Kancelar i madh! Sa me fat jeni ju gjermanët!

Ish-presidenti rus dhe zv. kryeministër i Këshillit të Sigurisë së Rusisë, Dmitry Medvedev, ka ironizuar kancelarin gjerman Friedrich Merz, pas deklaratave të këtij të fundit se Europa po e nënvlerëson ndikimin e Moskës dhe rrezikun që ajo paraqet për demokracitë perëndimore.

Në një postim në rrjetin social X, Medvedev iu përgjigj deklaratave të kancelarit gjerman me një koment ironik, duke e sulmuar personalisht dhe duke iu referuar edhe prejardhjes së tij familjare.

“Shqetësimi im me i madh tani nuk është ekonomia jonë, nuk është Bashkimi Evropian, nuk është Amerika, nuk është Kina. Shqetësimi im me i madh është ndikimi i Rusisë në shoqërinë tonë”, shkroi Medvedev, duke cituar Merz dhe duke e shoqëruar postimin me një referencë fyese ndaj familjes së kancelarit.

Përplasja verbale vjen pasi Merz paralajmëroi se synimet e presidentit rus Vladimir Putin shkojnë përtej pushtimit të territoreve ukrainase dhe përfshijnë përpjekjet për të dobësuar institucionet demokratike dhe unitetin e Evropës.

Në një intervistë për Bloomberg, të hënën, më 19 tetor, kancelari gjerman deklaroi se ndikimi rus në shoqërinë evropiane nuk po vlerësohet sa duhet, pavarësisht rrezikut që paraqet për stabilitetin politik të kontinentit.

“Shqetësimi im me i madh është se ndikimi rus në shoqërinë tonë është nënvlerësuar”, deklaroi Merz.

Ai paralajmëroi gjithashtu se Moska po përpiqet të destabilizoje strukturën politike evropiane dhe të dobësoje institucionet që mbështesin demokracinë në vendet perëndimore.

“Rusia është në rrugën e destabilizimit të të gjithë rendit politik të kontinentit evropian”, theksoi kancelari gjerman.

Sipas Merz, një pjesë e opinionit publik evropian, përfshirë atë gjerman, ende nuk e kupton plotësisht objektivin strategjik të Kremlinit.

Kancelari argumenton se ambiciet e Putinit nuk lidhen vetëm me zgjerimin territorial në Ukrainë, por edhe me dobësimin e modelit demokratik evropian dhe të bashkëpunimit mes vendeve të kontinentit.

“Ata nuk e shohin se cilës është qëllimi i vërtetë i Rusisë. Nuk bëhet fjalë vetëm për fitimet territoriale në Ukrainë. Ata kanë frikë nga demokracia, shoqëria e hapur dhe suksesin e integrimit evropian”, deklaroi Merz.

Deklaratat e tij pasqyrojnë shqetësimin në rritje të qeverive evropiane për ndikimin rus, përfshirë përpjekjet e dyshuara për ndërhyrje në proceset politike dhe dobësimin e besimit të qytetarëve te institucionet demokratike.

Nga ana tjetër, Medvedev, i cili është kthyer në një prej zëreve më të ashpër të Moskës kundër udhëheqësve perëndimorë, përdori ironinë dhe sulmet personale për t’iu përgjigjur paralajmërimet e kancelarit gjerman.

Përplasja e fundit tregon edhe një herë tensionet e thella mes Moskës dhe Berlinit, në një kohë kur lufta në Ukrainë dhe përplasjet për sigurinë evropiane vazhdojnë të dominonin marrëdhënet mes Rusisë dhe Perëndimit.