PS mbyll diskutimet dhe kalon në votim projektligjet, demokratët qëllojnë në drejtim të Peleshit

Seanca plenare e Kuvendit u përshkoi nga tensione dhe debat të ashpra mes deputetëve të mazhorancës dhe opozitës. Partia Socialiste votoi mbylljen e diskutimeve dhe kalimin në votim të projektligjeve. Deputetët e Partisë Demokratike kërkuan që në Parlament të diskutohej dhuna e raportuar ndaj studentëve, duke kundërshtuar vijimin e seancës pa një debat për këtë çështje. "Lironi studentët!", ishin thirrjet e deputetëve demokratë, të cilët protestuan në sallën e Kuvendit dhe kërkuan që çështja të trajtohej nga Parlamenti. Megjithatë, mazhoranca socialiste votoi kalimin e projektligjeve në votim pa diskutime të mëtejshme, ndërsa drejtuesi i seancës, Niko Peleshi, vijoi procedurat parlamentare. Vendimi shkaktoi reagimin e deputetëve të opozitës, të cilët kundërshtuan ashpër mënyrën e zhvillimit të seancës. Sipas informacionit të përcjellë, gjatë tensioneve demokratët kanë qelluar në drejtim të Peleshit, por nuk është sqaruar nëse bëhet fjalë për hedhje objektesh apo kontakt fizik. Seanca u shoqërua me përplasje verbale dhe thirrje nga deputetët e PD-së, ndërsa në qendër të debatit mbeti kërkesa e opozitës për diskutimin e situatës së studentëve.