PD, flamurin e dhunës, PS votën/ Kuvendi nuk ndal punën, votohen ligjet e integrimit

Kuvendi shqiptar ka vazhduar punën, duke votuar ligjet e integrimit, ndërsa deputetët e opozitës bllokuan foltoren. Kryetari i Kuvendit, Niko Peleshi, filloi të lexonte rendin e ditës, por deputetët e Partisë Demokratike bllokuan foltoren. Maxhoranca ka deklaruar se axhenda e ligjeve që lidhen me integrimin dhe negociatat me Bashkimin Europian nuk mund të humbasë kohë dhe të mbetet peng i asaj që i cilëson si dhunë të elementeve destabilizuese që punojnë kundër Shqipërisë. Kryeministri Edi Rama ka bërë thirrje për dialog për të tretën ditë radhazi, duke vendosur disa stola guri para Kryeministrisë me mbishkrimin “Dialog”. Gjatë dy ditëve të fundit, kryeministri kishte vendosur karrige para zyrës së tij, të cilat u thyen nga protestuesit.