Kritika në rrjetet sociale, Rama i cakton Spiropalit postin e ri në Komitetin e Stabilizim-Asociimit
Deputetja Elisa Spiropali është caktuar anëtare e Komitetit Parlamentar të Stabilizim-Asociimit, ndërsa deputeti Evis Kushi është caktuar anëtarësues në këtë delegacion. Kjo caktim u bë gjatë një seance të tensionuar në Kuvend.
Mes zhurmës dhe tensioneve në seancën e sotme plenare, deputetja e Partisë Socialiste, Elisa Spiropali është caktuar anëtare e Komitetit Parlamentar të Stabilizim-Asociimit. Emërimi u njoftua nga drejtuesi i seancës, Niko Peleshi, gjatë leximit të ndryshimeve në delegacionet parlamentare, ndërsa brenda sallës protestonte opozita, kurse jashtë Kuvendit qytetarët dhe studentët. Po ashtu, deputeti Evis Kushi u caktua anëtarësues në këtë delegacion.
"Në mbështetje të nenet 14 të rregullores së Kuvendit, deputetja Elisa Spiropali... ju lutem zini vendet... caktohet anëtare e Komitetit Parlamentar të Stabilizim-Asociimit. Ndërsa deputeti Evis Kushi caktohet anëtarësues në këtë delegacion", u shpreh Peleshi.
Në rrjetet sociale, Spiropali ka artikuluar kritika disa herë ndaj Edi Rames dhe mënyrës se si drejtohet Partia Socialiste, por në Kuvend Spiropali ka vijuar të votojë në një linjë me shumicën socialiste.