Baton Haxhiu, koordinatori i televizionit serb "Klanit të Zemunit" në Shqipëri

Baton Haxhiu, një këshilltar i kryeministrit Edi Rama, është koordinatori i futjes në Shqipëri të televizionit serb "Arena News Channel Two DOO Beograd", një kompani mediatike e lidhur me klanin "Vučić-Milošević". Kompania kjo është kontrolluar nga kompania shtetërore "Telekom Serbia" dhe është themeluar në Beograd në mars 2024.

Filiali serb në Shqipëri përfaqësohet dhe administrohet nga Zoran Glisović, ndërsa drejtoresha e kompanisë në Beograd është Aleksandra Krstić. Të dy janë njohje e hershme të Baton Haxhiut dhe bashkëpunues në raportime mediatike të hapura dhe anonime, në favor të politikave nacionaliste serbe në Kosovë dhe Shqipëri.

Sipas të dhënave, Aleksandra Krstić ka pasur role drejtuese edhe në "Happy TV", televizion i lidhur me ish-"TV Košava" në pronësi të Maria Miloshević, vajza e Sllobodan Miloshević. Stacioni televiziv serb "Happy TV", i drejtuar për një kohë të gjatë nga Aleksandra Krstić, njihet për linjën e fortë pro-qeveritare dhe për mbështetjen publike ndaj presidentit Aleksandar Vučić dhe mbrojtjen e gjenocidit të Miloshevićit në Kosovë.

Po ashtu, Aleksandra Krstić ishte drejuese në grupin mediatik "Invej" në pronësi të biznesmenit kontrovers Predrag Ranković, pjesë financuese e aktivitetit të "Klanit të Zemunit".

Hapja e një televizioni serb anti-shqiptar në Shqipëri krijon dyshime të arsyeshme, për faktin se Shqipëria dhe Serbia nuk kanë marrëdhënie historikisht miqësore, veçanërisht për shkak të politikave shtetërore serbe ndaj shqiptarëve të Kosovës dhe territorit të saj.

Por dyshime për qëllime jo të mira krijohen edhe nga fakti që "koordinatori" i futjes në Shqipëri të televizionit të klanit "Vučić-Milošević" është Baton Haxhiu, i përfulur për shërbime ndaj UDB-së dhe Shërbimit Sekret Serb-BIA, deklaruar dhe nga Miloshević gjatë përballjes në Hagë.

Dyshimi tjetër krijohet prej faktit që nuk janë deklaruar pronarët e kompanisë.