Sekuestrohet pasuri me vlerë 77 milionë lekë në një rast krimi organizuar

Prokuroria e Posaçme kundër Korrupsionit dhe Krimit të Organizuar në Shqipëri ka sekuestruar pasuri me vlerë 77 milionë lekë në një rast krimi organizuar. Sekuestrohet një tokë dhe 24 automjete në pronësi të anëtarëve të një grupi kriminale.

Pasuria përfshin një tokë me sipërfaqe 2000 m2 në Sharrë, Tiranë, dhe 24 automjete Volkswagen dhe një Toyota në pronësi të një kompanie tregtare. Hetimet janë bërë në kuadër të procedimit penal nr. 187 të vitit 2023, i cili përfshin veprat penale të parashikuara nga nenet 283/a, 287, 333/a dhe 334 të Kodit Penal.

Shtetasit nën hetim janë: E.Ç, A.Ç, A.Ç (alias D.Ç), F.B (alias J.B), D.D, P.L (alias P.S.), F. G (alias F.Ç, alias F.H.Ç, S.P (alias V.P), G.Ç, R.M, M.K, M. M, E. Ç, R.Ç, K.Gj dhe D.P.

Organizata kriminale me shtrirje të gjerë ndërkombëtare bashkëpunonte me grupe të tjera kriminale për të lehtësuar transportet e lëndëve narkotike drejt porteve evropiane dhe investonte fitimet e mëdha në prona dhe biznese në Shqipëri dhe jashtë saj.

Hetimet përfshinë bashkëpunimin intensiv me EUROPOL dhe autoritete nga Belgjika, Franca, Holanda, Gjermania dhe Italia, u bazuan në analizën e të dhënave të komunikimit të enkriptuara të platformës SkyECC. Nga këto hetime janë zbuluar dërgesa shumëtonëshe kokaine nga Amerika Latine drejt porteve kryesore të BE-së, përfshirë Hamburgun, Anversin etj.

Gjithashtu, janë evidentuar rolet përkatëse të secilit prej pjesëtarëve të grupit kriminal si dhe është dokumentuar i gjithë zinxhiri i transferimit të shumave monetare të përfituara nga aktiviteti kriminal.

Në kuadër të këtij procedimi penal janë caktuar masa të sigurimit personal ndaj 16 personave.