Arsenal "mbijeton" në Munich, Bayern ndalet në 2-2 në fushën e tij nga kampionia e Anglisë

Arsenali doli I pathyer nga “Alianc Arena” e Mynihut për herë të parë që nga viti 2014, në një barazim luftarak 2-2. Përballja kryesore e mbrëmjes në Champions nuk pati fitues, në një duel me përmbysje ku ndoshta ndarja e pikëve ishte përfundimi më i drejtë. Arsenali kaloi I pari në epërsi në 25’ kur shënoi Ebereçi Eze dhe Bajerni barzoi shpejt, në 35’, me Alfonso Dejvisin. Pas pushimit, Harri Kejn, ktheu në gol një penallti për avantazhin bavarez në 61’, ndërsa ylli tjetër I Anglisë, Deklan Rajs, barazoi shifrat në 82’. Në këtë mënyrë Bajerni nuk lejoi që “topçinjtë” të arrinin fitoren e 15-të radhazi në fazën e grupeve në Champions. Londinezët mbajtën më shumë topin, 57 për qind, ndërsa gjuajtjet ishin lehtësisht në favor të vendasve. Nuk mund të mos theksohet fakti që bavarezët nuk patën yje si Olise, Musiala apo Kimih, ndërsa Luis Diaz luajti vetëm 20 minuta në pjesën e dytë. Arsenali është në vende të larta në renditjen e Championsit në fazën e grupit, me 7 pikë, dy më pak se kreu, ndërsa kampionia e Gjermanisë është më poshtë, me 5 pikë, me vetëm një fitore e dy barazime në tri ndeshjet e para.