Policia për lajmet e rreme: Mesazhet kërcënuese ndaj pedagogëve dhe lajmet për dorëheqjet, të pavërteta

Shefi i Sektorit të Drejtimit në Departamentin për Sigurinë Publike, Albert Nushi, ka deklaruar se lajmet e rreme që publikohen në rrjetet sociale apo portale të ndryshme janë të pavërteta dhe synojnë të demtojnë imazhin e Policisë së Shqipërisë.

Nushi ka deklaruar se lidhur me pamjet e publikuara nga Rinasi, ku pretendohet se shtetas të huaj sillen në Shqipëri për t'u mbajtur në burg, sqaroj se këto pretendime janë të pavërteta. Ai thekson se bëhet fjalë për shtetas që transportohen nga Italia drejt Gjadrit, në qendrën e pritjes për emigrantët e paligjshëm.

Në lidhje me mesazhet kërcënuese që u janë dërguar disa pedagogëve në emër të Policisë së Shqipërisë, Nushi sqaron se këto mesazhe nuk janë dërguar nga Policia e Shqipërisë, por nga persona ende të paidentifikuar, me qëllim përhapjen e panikut dhe demtimin e besimit të qytetarëve tek Policia.

Nushi ka deklaruar se lajmet se në radhët e policisë ka dorëheqje masive janë të pavërteta. Ai ka deklaruar se sigurohet qytetarët se asnjë drejtues policie nuk ka dhënë urdhra të kundër-ligjshëm për ushtrimin e dhunës gjatë ditëve të tubimit. Policia e Shqipërisë është në shërbimin tuaj, në zbatim të ligjit, për garantimin e jetës, pronës dhe të drejtave tuaja. Ju bëjë thirrje të mos binë pre e informacioneve të rreme që synojnë të cenojnë misionin ligjor të Policisë së Shqipërisë dhe besimin tuaj tek ajo.