Merz: Dhuna nuk duhet të jetë kurrë alternativë për asnjërën nga palët

Kancelari gjerman Friedrich Merz ka deklaruar se dhuna nuk duhet të jetë një alternativë për asnjërën nga palët gjatë protestave në rajon dhe në Bashkimin Europian. Ai tha se protestat që po zhvillohen në rajon dhe në vendet e Bashkimit Evropian japin një mesazh të qartë: duhet të vazhdojmë procesin e zgjerimit dhe duhet të sigurohemi që qytetarët tanë të përfitojnë prej tij.

Merz tha se historia nuk do t’i gjykojë me dashamirësi ata që përçajnë shoqëritë tona në këto kohë të ndërlikuara. Ai shtoi se sigurimi i këtyre përfitimeve bëhet shumë më i vështirë kur mbetemi peng i së kaluarës.

“Dua të jem shumë i sinqertë. Ne të gjithë i shohim protestat që po zhvillohen në rajon, në të gjithë rajonin dhe në vendet tona. Këto protesta, të dashur kolegë, na japin një mesazh të qartë: Ne duhet të vazhdojmë procesin e zgjerimit dhe duhet të sigurohemi që qytetarët tanë të përfitojnë prej tij.

Dua të jem i qartë: Kur përballemi me protesta në Bashkimin Europian apo këtu në rajon, dhuna nuk duhet të jetë kurrë një alternativë për asnjërën nga palët”, deklaroi kancelari gjerman.

E ndërsa sa i përket retorikës përçarëse dhe polarizimit politik, Merz tha se janë elementë që nuk çojnë drejt një Europe më të sigurt. Ai shtoi se retorika përçarëse dhe polarizimi në rritje nuk do të na çojnë drejt një Europe më të sigurt, më të lirë dhe më të begatë.