Incidenti i papritur i Harry Styles: Fansi i kërkon autograf, dyshohet se ai i përdorte për ti shitur

Incidenti ndodhi mërkurën, kur 32-vjeçari u përball me një person që mbante albumin e tij “Fine Line” dhe që, sipas raportimeve, po i kërkonte një autograf. Në pamjet e publikuara, të dy shihen duke folur me tone të ashpra dhe duke bërë geste me duar. Në një moment, një person tjetër afrohet për të ndërhyrë dhe për të qetësuar situatën. Megjithatë, kur Styles përpiqet të largohet, burri vazhdon ta ndjekë dhe ta kërkojë vëmendjen e tij. Shkaku i saktë i përplasjes mbetet i paqartë. Nëndershime, disa përdorues të rrjetave sociale kanë ngritur dyshime se burri mund të jetë një person që mbledh autografe nga të famshmit për t’i shitur më pas, por ky pretendim nuk është konfirmuar. Reagimi i këngëtarit ka surprizuar disa prej admiruesve të tij, pasi Styles është njohur shpesh për gatishmërinë për të ndaluar dhe për të takuar fansat. Vetëm një natë para incidentit, ai ishte fotografuar në një ndeshje të New York Knicks, ku kishte gjetur kohë të jepte autograf një admirues përpara se të hynte në arenë.