"Rama duhet të hapë rrugë", profesori: Me largimin e tij merr fund tranzicioni 36-vjeçar

Pedagogu Aleksandër Biberaj, ka komentuar protestën e studentëve, duke theksuar se të rinjtë janë të vendosur të vazhdojnë tubimet. Sipas tij, deklaratat e kryeministrit Rama tregojnë frikën e këtij të fundit përballë situatës së krijuar.

Biberaj kërkoi që Rama dhe klasa e vjetër politike t'i hapin rrugë një brezi të ri, ndërsa theksoi se anësimi i Shqipërisë në Bashkimin Evropian nuk varet nga një politikan i vetëm.

"Studentët janë shumë të vendosur. Rama me deklaratat e tij tregon nivelin e frikës që ka. Nuk na fut në Europë as Edi Rama. Ai është në gjendje të rendë, por duhet të hapë rrugë. Me largimin e Edi Rama do të jetë fundi 36-vjeçar i tranzicionit të tmerrshëm. Brezi i politikanëve që erdhi nga dhjetori i ‘90 jemi të deshtuar. Duhet të largohen të gjithë, ta marrë një brez i ri", deklaroi profesori për "News 24".

Ish-politikani falenderoi gjithashtu News24 dhe mediat e tjera për pasqyrimin e protestave, duke vlerësuar kontributin e tyre në përcjelljen e zhvillimeve te publiku brenda dhe jashtë vendit.

Media që s’e dorëzon pavarësinë e saj, i paraprine një qeverisje të ndershme. Pamfleti është një platformë mediatike analitike që u “lind” si domosdoshmëri e një tribune pa kompromis, si një zë i fuqishëm në luftën pa ekuivok ndaj krimit dhe korrupsionit politik në Shqipëri.