Kancelari Merz: Protestat po na japin një mesazh të qartë

Kancelari gjerman, Friedrich Merz, ka deklaruar se protestat në Evropë, përfshirë edhe Shqipërinë, japin një mesazh të qartë dhe se dhuna nuk duhet të jetë një opsion në BE apo në Ballkanin Perëndimor.

Merz ka thënë se protestat në të gjithë rajonin dhe në vendet tona na japin një mesazh të qartë dhe se duhet të vazhdojmë me procesin e zgjerimit dhe të sigurohemi që qytetarët tanë të përfitojnë prej tij. Ai ka theksuar se dhuna nuk duhet të jetë një opsion dhe se retorika ndarëse apo polarizimi nuk do të çojë në një Evropë të sigurt, të lirë dhe të begatë. Merz ka përmendur se Mali i Zi po organizon Samitin e Liderëve të Procesit të Berlinit, një iniciativë që bashkon gjashtë vende të Ballkanit Perëndimor për të forcuar bashkëpunimin rajonal dhe lidhjet ekonomike dhe rrugën drejt anëtarësimit në Bashkimin Evropian.