Avaria në tubacionin kryesor i ndërpret furnizimin me ujë në Vlorë
Avaria në tubacionin kryesor të ujësjellësit ka lënë pa ujë të gjithë qytetin e Vlorës. Defekti është konstatuar në lagjen "10 Korriku", në një tubacion me diametër 700 milimetra, duke detyruar ndërprerjen e furnizimit në të gjitha zonat e qytetit.
Një avaria në tubacionin kryesor të ujësjellësit ka lënë pa ujë të gjithë qytetin e Vlorës. Defekti është konstatuar në lagjen "10 Korriku", në një tubacion me diametër 700 milimetra, duke detyruar ndërprerjen e furnizimit në të gjitha zonat e qytetit.
Sipas Ujësjellësit Kanalizimi Rajon Vlorë, ndërprerja është e domosdoshme për riparimin e defektit. Ndërhyrja e ekipeve teknike paraqitet e vështirë, pasi tubacioni kryesor kalon pranë një banese private, gjë e cila ndërlikon procesin e punimeve.
Deri më tani nuk ka një afat të percaktuar për përfundimin e riparimeve dhe rikthimin e furnizimit me ujë. Ndërprerja rikthen shqetësimet për banorët dhe bizneset e qytetit bregdetar, të cilët janë përballur edhe më parë me mungesë të zgjatur të ujit.