Polonia arreston të dyshuarin e dytë për vrasjen e artistit rus që kritikoi Putinin

Autoritetet polake kanë ndaluar një të dyshuar të dytë për vrasjen në qershor të një artisti rus i cili kishte kritikuar Presidentin Vladimir Putin. Arrestimi i tij u njoftua të enjten nga shefi i shërbimit sekret Tomasz Siemoniak.

Robert Kuzovkov, i njohur edhe si Semyon Skrepetsky, vdiq pasi u qëllua me pesë plumba në qytetin lindor polak, Biala Podlaska, në qershor. Kuzovkov ishte i njohur për punën e tij kritikuese ndaj autoriteteve ruse dhe kishte organizuar një protestë në Berlin pak para të shtënave.

Në atë kohë, autoritetet polake arrestuan një burrë 36-vjeçar, i cili thanë se po përdorte një pasaportë gjeorgjiane. Burri i dytë, një shtetas gjeorgjian 22-vjeçar i dyshuar për bashkëpunim në vrasje, ishte vendosur në paraburgim për tre muaj nga një gjykatë, shkroi Siemoniak në X.