Shoqata e Policëve të Liruar: Çdo veprim jashtë ligjit dëmton besimin e publikut te Policia e Shtetit
Shoqata e Policëve të Liruar ka bërë një thirrje drejtuesve të Policisë së Shtetit për të ushtuar përgjegjësinë ligjore dhe për të garantuar që çdo efektiv të veprojë me vetëpërmbajtje, profesionalizëm dhe respekt të plotë për të drejtat e njeriut.
Shoqata e Policëve të Liruar (SHPPL-2013) ka reaguar për zhvillimet e fundit në vend, duke shprehur kundërshtimin e saj ndaj çdo përdorimi joproporcional i forcës nga uniformat e shtetit ndaj të rinjve, gimnazistëve, vajzave dhe të miturve.
Policia e Shtetit ka ligje, rregullore dhe protokolle që duhet të zbatojë me profesionalizëm dhe paanshmëri. Këto norma garantojnë sigurinë publike, mbrojnë të drejtat e qytetarëve dhe sigurojnë që Policia të jetë në shërbim të ligjit dhe të shoqërisë.
Shoqata e Policëve të Liruar ka bërë dy thirrje të forta, një drejtuar Drejtorit të Përgjithshëm të Policisë së Shtetit, Skender Hita, dhe një drejtuar qytetarëve, duke nenvizuar rëndësinë e vetëkontrollit të uniformave blu dhe bashkimin në tubimin e shtunës në mënyrë paqësore.
Shoqata e Policëve të Liruar po ndjek me shqetësim zhvillimet e fundit në vend dhe shpreh kundërshtimin e saj ndaj çdo përdorimi joproporcional i forcës nga uniformat e shtetit ndaj të rinjve, gimnazistëve, vajzave dhe të miturve.