Policia shpall luftë kundër "fake news" për cënimin e besimit të qytetarëve

Policia e Shtetit ka hedhur poshtë pretendimet se ka dërguar mesazhe intimiduese mësuesve dhe pedagogëve që kanë marrë pjesë në protesta. Drejtuesi i sigurise Publike, Albert Nushi, tha se këto mesazhe janë dërguar nga persona të paidentifikuar me qëllim përhapjen e panikut dhe dëmtimin e besimit të qytetarëve te Policia. Ai bëri të qartë se nga rradhët e policisë asnjë drejtues policie nuk ka dhënë urdhra të kundërligjshëm për ushtrimin e dhunës gjatë protestave. Nushi tha se Policia e Shtetit ka detyrimin ligjor ta respektojë dhe garantojë të drejtën për t’u tubuar paqësisht. Ai sqaroj se lajmet e publikuara për dorëheqje masive nga radhët e Policisë shtetërore janë të pavërteta dhe se asnjë drejtues policie nuk ka dhënë urdhra të kundërligjshëm për ushtrimin e dhunës gjatë ditëve të tubimit.