LIGJI PËR "SPECIALEN" DO TË KTHEHET NË KUVEND

Presidentja e Kosovës, Justina Shiroka Pula, ka pranuar kërkesën e Partisë Demokratike të Kosovës dhe ka vendosur të kthejë ligjin për rishqyrtim në Kuvend për ndryshim dhe plotësim të Ligjit për Dhomat e Specializuara dhe Zyrën e Prokurorit të Specializuar.

Në arsyetimin e vendimit, presidentja Shiroka Pula ka theksuar sakrificën, angazhimin dhe kontributin e Ushtrisë Çlirimtare të Kosovës dhe të krerëve të saj në luftën për liri dhe pavarësinë e Kosovës. Ajo ka ritheksuar qëndrimin kundër çdo përpjekjeje për të shtrembëruar vërtetësitë historike të Kosovës, për të vënë në dyshim karakterin çlirimtar të luftës apo për të barazuar popullin që luftoi për liri dhe mbijetesë me regjimin që e shtypi atë.

Presidentja ka bërë të ditur se ka zhvilluar dhe po vazhdon konsultimet me përfaqësues të institucioneve dhe subjekteve shtetërore për të bashkërenduar veprimet ndërinstitucionale dhe diplomatike për dokumentimin, mbrojtjen dhe afirmimin e së vërtetës historike të Luftës Çlirimtare të Kosovës dhe të rolit të UÇK-së, si dhe për mbrojtjen e të drejtave dhe interesave të krerëve të saj që po gjykohen në Dhomat e Specializuara.