Kongresmeni amerikan Mike Lawler thirrje qeverisë shqiptare: Ndaloni forcën ndaj protestuesve

Kongresmeni amerikan Mike Lawler ka bërë thirrje qeverisë shqiptare të ndalojë përdorimin e forcës ndaj protestuesve paqësorë dhe të ulë tensionet në vend. Lawler ka thënë se ka marrë shqetësim nga qytetarët shqiptaro-amerikanë në distriktin e 17-të të Nju Jorkut, të cilët janë të shqetësuar për protestat që po zhvillohen në Shqipëri dhe për ndikimin e tyre në demokracinë e vendit.

Lawler ka theksuar se çdo qeveri, veçanërisht demokracitë dhe vendet aleate të NATO-s, duhet të respektojë të drejtën e qytetarëve të saj për të protestuar në mënyrë paqësore dhe për të shprehur pikëpamjet e tyre. Ai ka kërkuar që qeveria shqiptare të ulë menjëherë tensionet dhe të ndalojë përdorimin e forcës ndaj protestuesve paqësorë.