Ron Yeffet: Kërkohet hapja e llogarive të tij bankare në SHBA
Pas kontrollit të SPAK, biznesmeni izraelit Ron Yeffet po përballë telashe edhe në SHBA. Përplasja e ashpër ligjore mes Yeffet dhe paditësi Mark Faist në Gjykatën e Floridës ka marrë një kthesë të fortë, ku në lojë është hapja e detyruar e llogarive bankare të Yeffet.
Gjykata e Floridës ka marrë një kthesë të fortë në përplasjen ligjore mes biznesmenit izraelit Ron Yeffet dhe paditësi Mark Faist. Faist akuzon Yeffet për mashtrim 8.6 milionë dollarë dhe ka depozituar një kërkesë për detyrim për të marrë në dorëzim historikun e plotë të transaksioneve bankare për llogari specifike në Regions Bank, Provident Bank dhe Spencer Savings Bank.
Faist pretendon se paratë e tij të investuara për projekte ndërtimi në Nju Jork nuk u përdoren kurrë për qëllimin e kontraktuar, por Yeffet i shpenzoi për qëllime të tjera duke mashtruar. Yeffet pranon mashtrimin për të shmangur hapjen e llogarive, por avokatët e tij kanë depozituar një mocion kundërshtues duke përdorur një taktikë mbrojtëse: atë të stipulimit, që ndryshe njihet si marrëveshje faktuale.
Avokatët e Yeffet ofrojnë të pranojnë zyrtarisht përpara gjykatësit se fondet e investimit nuk u përdoren për shpenzimet e zhvillimit të pronave të përmendura në Nju Jork. Përmes këtij pranimi, ata duan të bindin gjykatën se kërkesa e Faist për të kontrolluar bankat është "e tepër, abuzive dhe joproporcionale", pasi fakti kryesor u pranua vetë nga pala e tyre.
Megjithatë, Faist e ka refuzuar zyrtarisht këto oferte, pasi prania e thjeshtë se paratë nuk u përdoren atje nuk tregon se ku përfunduan ato realisht (nëse janë vjedhur apo keqpërdorur), çka përbën thelbin e mbrojtjes së tij ndaj kundërpadi.
Kjo lëvizje e Yeffet është kthyer në një boomerang ligjor, duke kërkuar hapjen e llogarive bankare të tij në SHBA. Avokatët e Faist argumentojnë se meqë Yeffet kërkon 30 milionë dollarë për Shqipërinë duke pretenduar se akuzat ndaj tij janë të rreme, ai nuk mund të fshehë më deklaratat bankare në Amerikë.